第一站：瑪嘉烈
Margaret's Cafe嗰度有澳門最出名嘅葡撻，另外奶茶同Cappuccino都好好飲。但呢間店並唔易揾，唔係臨街舖，而且仲喺3棟建築之間，十分隱蔽，但似乎不影響佢嘅生意。 (從葡京往新馬路方向途經一間葡語學校，過嚟紅綠燈，右轉行5、6米就會見倒一個廣告牌，行入內巷就會揾倒)
葡撻：6蚊/個，一啖咬落去，果然名不虛傳，餡料十足，口感醇厚！烘培得啱啱好，外脆內嫩，又香又滑。
第二站：盛記
盛記白粥有幾家分店，離議事亭前地唔遠，喺天通里和蘇雅利醫士街交界處從議事亭前地過馬路，民政局轉右，第一條巷直入三十米。 「盛記白粥」專營粵式點心，以清淡白粥為招牌，服務熱情周到。
白粥：6蚊/碗，綠茶味、芒果味豆腐花都係盛惠5蚊。呢度啲白粥好香滑，原因就係佢哋用米好講究，精選幾種香米混合磨碎，加入腐皮，慢火細熬成粥。粥水晶瑩鮮甜、香滑可口，實為白粥之中嘅上品，若果加埋小店特製油炸鬼，完全係一份至正早餐。
裹蒸棕
一對恩愛嘅老夫婦同一個有理想嘅仔，就創造咗呢間「潘威記」。呢間芝士蛋糕店地處澳門一條後生仔女聚集嘅細巷入邊，嚟幫襯嘅的都是後生仔女，一入嚟就問「仲有冇XX蛋糕？」好彩嘅話點到一兩件心頭好，滿足咁邊食邊打包離開；稍微嚟遲啲，買唔倒心頭好，亦會係老闆推薦下試下其他。睇嚟呢度做嘅都係熟客生意。老夫婦好好傾好熱情，講起個仔同蛋糕就會滔滔不絕。其實呢度嘅芝士蛋糕全部都是佢哋乖仔嘅出品。傾落先知，原來潘威記嘅前身係做咖哩魚蛋嘎，90年代由佢兩夫妻經營。後尾佢哋個仔留學英國專修西廚，學識整一手靚蛋糕，畢業後番到澳門就一心一意做起咗芝士蛋糕，從此一家人一齊打理依家呢間小店。阿姨話佢個仔係個執著嘅蛋糕師傅，做蛋糕一定要揀靚材料，蛋糕火候剛剛好，食起身唔會膩。特別係招牌芒果cheese cake，咬落真係好似食緊新鮮嘅芒果，冰冰涼涼，口感唔錯。食一啖蛋糕，飲一啖老伯親手整嘅即磨香濃咖啡，望住玻璃門外嘅行人，好有異國風情feel，令人樂而忘返！ 潘威記嘅甜品，齋睇賣相經已十分吸引，真係唔捨不得食佢落肚。首先介紹朱古力泡芺，香脆嘅酥皮加埋泡芺上邊香濃細滑嘅朱古力，咬一啖，等泡芺裡邊軟軟嘅朱古力流入口，正！ 朱古力泡芺 第五站：榮記牛雜
巴波沙前地大利來記咖啡室嘅豬扒包係到澳門嘅必食之選，限時限量，每日下午3點豬扒包新鮮出爐，2點半開始就有人排隊等。大利來記咖啡室嘅豬扒包是用老式柴爐烘製而成。為保證質量，每天只會準備一爐麵包原料，等到下午三點半準時出爐，出爐即賣。至於豬扒，亦要事先用特殊香料醃製，松過骨之後先可以落油鑊炸。豬扒帶骨，口感一流，豬扒份量十足，炸到松化香口，肉質鮮美爽甜，豬肉味濃而唔油膩，配以炭爐烤製嘅麵包，外脆內軟，令人回味無窮。猪扒包15蚊/個
綠茶味、芒果味豆腐花
粵式小點當然係唔少得裹蒸棕同蘿蔔糕嘞...聽講啲伙計有好多暗號嘎："白菜" --白粥+蘿蔔糕；"鹹菜" --皮蛋瘦肉粥+蘿蔔糕； "咸粥" --皮蛋瘦肉粥...Hehe~下次等我都去嗌下！
蘿蔔糕
第三站：恆友芝士魚蛋
從官也街返到議事亭，只要你揾得倒哈根達斯，你就會揾到恆友魚蛋。當你背對住哈根達斯，前面條巷子入去就係恆友嘞！最多人試嘅就係：芝心包同魚包蛋，推薦吃得辣的最好食辣~咖哩有勁辣和微辣兩種！
有人會問：賣魚蛋嘅地方咁多，啲魚蛋又唔係自已整嘅，咁有冇咁特別先？其實關鍵就在於佢個咖哩汁底，一食落雖然會覺得好辣，但又唔使即刻去飲水。冇汁就只不過係一碗平平無奇嘅大雜燴，有咗汁就即刻變成一碗食過番噚味嘅極品正嘢：魚旦10蚊/碗，其他6-8蚊一串
除咗魚蛋，牛百葉同海膽丸都係必食之選。海膽丸一咬開，會有溶咗嘅海膽流出來，好味！
芝士餡心~~
魚蛋裡面嘅魚子
為食tips：唔好諗住會有人招呼你，自己拎個籃，想食乜就放乜落去，然後遞畀裡面個靚姐，佢就會幫你煮，最後梗係要俾錢啦。
第四站：潘威記蛋糕店天神巷41號（天神巷：進入議事庭前地靠右邊條大路直行，過咗銀行，再過一小段距離，向右望）
店面咁細嘅「潘威記」蛋糕點解會為人所稱道？聞名而嚟嘅人總係絡繹不絕。唔通只係名聲在外？只有當你咬上一啖佢任何一舊蛋糕嘅時候，我相信你一定唔會否認，佢絕對係實至名歸！呢度嘅朱古力同芝士，味道純正，口感鮮滑。用料都係店主師傅精挑細揀，由外國進口嘎。最重要梗係師傅從英國一間旅遊學校嘅家政課程嗰度學番嚟嘅好手藝。
Tiramisu 10蚊/件 
藍莓cheese cake
焦糖燉蛋布甸 7蚊/件，入口香、滑、柔，感覺唔錯，值得一試。 （畢打賞賞嘅至愛）
芒果cheese cake
潘威記旁邊。榮記牛雜響澳門有三代歷史，每日熬製秘製湯汁，不單止好味，牛雜仲好乾淨，次次都有好多人係度排隊。最重要係榮記牛雜種類多元化，由常見嘅牛肚、到叼轉嘅牛天梯（牛氣管）都有。細碗15蚊，大碗30蚊，仲可以加埋其他配料，好似脆皮腸，魚蛋等(6-8蚊/串)，冬天食碗熱牛雜成身暖曬，味道頂呱呱。門口有幾張長凳畀路人坐低嚟吃，但通常係根本冇位比你坐，人太多啦~~
第六站：大利來-最正宗嘅豬扒包
最後一站：皇冠小館澳門水坑尾街310號A地下，離百老匯15米。以馳名中外的竹升雲吞蝦籽撈(36蚊/碟)同水蟹粥(105蚊/碗)最出名。
竹升云吞虾籽捞：有我最中意食嘅雲吞啊，竹升面同其他面口感非常好唔同，純人工打造，特別爽口彈牙，啲面有好香嘅蝦籽味，雲吞裡面有原隻大蝦，非常爽口。
水蟹粥
另外：澳門仲有一家水蟹粥都好出名嘅就係位於氹仔島官也街嘅—誠昌飯店。呢間家店主打招牌馳名水蟹粥：粥裡面蟹黃和粥融為一體，蟹肉好有口感，泛起一層金黃色，誘人奪目。話係水蟹，但就攞曬膏蟹、肉蟹同水蟹三種蟹嘅精華，熬製出一碗美味馳名水蟹粥。 （ps：張相嘅蟹浸曬響粥底） 
